лепшыя песні, рамансы і арыі з рэпертуару выбітнага артыста
“СВЯТЛО ДАЛЁКАЙ ЗОРКІ”
Канцэрт-прысвячэнне народнаму артысту СССР Мусліму Магамаеву
Выканаўцы – лаўрэаты і дыпламанты міжнародных і нацыянальных конкурсаў, салісты Беларускай дзяржаўнай філармоніі:
Дзмітрый Гайдукоў (барытон)
Максім Абравец (барытон)
Уладзіслаў Даніловіч (барытон)
Іван Кручко (бас-барытон)
У канцэрце бяруць удзел
Тамара Рэмез (сапрана)
Святлана Еўтух (сапрана)
Марына Дабралёт (сапрана)
Галіна Сакольнік (мецца-сапрана)
Партыя фартэпіяна – лаўрэаты міжнародных конкурсаў
Сяргей Вайніцкі
Алена Лузан
Вядоўца – Кацярына Агароднікава
***
Імя Мусліма Магамаева было вядома ледзь не кожнаму жыхару Савецкага Саюза. Папулярнасць спевака была неверагоднай: яго песні ўвесь час гучалі па радыё і тэлебачанні, канцэрты збіралі шматтысячныя стадыёны, пласцінкі з запісамі выходзілі мільённымі тыражамі. У рэпертуары выканаўца – звыш 600 твораў: арыі, рамансы, эстрадныя песні. Багаты голас, хвацкія вонкавыя дадзеныя, усенароднае каханне, слыннасць і нейкая таямніца…
Час, што ўвесь час выслізгвае ад нас, часам вяртаецца. У гэтым дапамагае музыка, што аб’ядноўвае розныя пакаленні.
Беларуская дзяржаўная філармонія запрашае гледачоў 24 мая 2025 г. у Малую залу імя Р.Шырмы на канцэрт-прысвячэнне народнаму артысту СССР Мусліму Магамаеву “Святло далёкай зоркі”.
У выкананні 4 выдатных барытонаў – лаўрэатаў і дыпламантаў міжнародных і нацыянальных конкурсаў, салістаў Белдзяржфілармоніі Дзмітрыя Гайдукова, Максіма Абраўца, Уладзіслава Даніловіча і Івана Кручко прагучаць лепшыя песні, рамансы і арыі з рэпертуару выбітнага артыста – “Мелодыя”, “Дзякую табе”, “Чортава кола”, “Вяселле”, “Не спяшайся”, “Каралева прыгажосці”, “О, мора, мора” і іншыя папулярныя песні, а таксама вядомыя арыі і дуэты.
Партыя фартэпіяна – лаўрэаты міжнародных конкурсаў Сяргей Вайніцкі, Таццяна Лясун.
Вядоўца канцэрта – Кацярына Агароднікава.
