І.С.Бах, К.Стамиц, Дж.Самарціні, Г.Пелеціс, Р.Сандавал, Р.Дзіенс, К.Аквавела, Я.Кувахара
У рамках праекта “Folk strings”
“MANDOLINISSIMO”
Мандалінна-гітарны аркестр Беларускай дзяржаўнай акадэміі музыкі
Мастацкі кіраўнік і галоўны дырыжор – Дзмітрый Цітоў
У канцэрце бярэ ўдзел лаўрэат міжнародных конкурсаў Таццяна Кім (раяль)
Вядоўца – Кацярына Агароднікава
***
18 мая ў 18.00 у Вялікай канцэртнай зале Беларускай дзяржаўнай філармоніі адбудзецца канцэрт “Mandolinissimo” мандалінна-гітарнага аркестра Беларускай дзяржаўнай акадэміі музыкі пад кіраўніцтвам Дзмітрыя Цітова.
Назва канцэрта з’яўляецца адпраўным пунктам да адраджэння Міжнароднага фестывалю “Mandolinissimo”, у якім традыцыйна бяруць удзел вядучыя выканаўцы на народных інструментах з розных краін. У гэты вечар прагучыць музыка Дж.Б.Самарціні, К.Стамица, Р.Сандавала, Р.Дзіенса, К.Аквавелы, Я.Кувахары. Упрыгожаннем праграмы стануць Канцэрт фа мінор для клавіра з аркестрам І.С.Баха і Канцэрціна Бьянко для фартэпіяна з аркестрам Г.Пелеціса (салістка – лаўрэат міжнародных конкурсаў Таццяна Кім).
Канцэрт “Mandolinissimo” пройдзе ў рамках культурна-асветніцкага праекта “Folk Strings”, які скіраваны на папулярызацыю выканальніцтва на народных інструментах – домры, мандаліне і гітары.
