17 снежня ў 19:00 у канцэртнай прасторы «210METROV» (вул. Чапаева, 3) адбудзецца МЕДЫТАТЫЎНЫ ПРАЕКТ "ФАРБЫ". Галоўнай гераіняй канцэрта стане лаўрэат міжнародных конкурсаў Вольга Сержанкова (цымбалы).

«Фарбы» — гэта медытатыўны праект, галоўная ідэя якога — спалучэнне мастацкай творчасці і музыкі. Госці імпрэзы пачуюць, як гук і жывапіс пераплятаюцца ў адно цэлае, ствараючы асаблівую атмасферу для глыбокага пагружэння і сузірання.

У праграме прагучаць творы розных эпох і стыляў:

• І.С.Бах
• Г.Ермачэнкаў
• В.Жывалеўскі
• Radiohead
• Sting і інш.

Спалучэнне акадэмічнай музыкі, сучасных кампазіцый і сусветных хітоў у выкананні цымбалаў абяцае стаць незвычайным музычным вопытам, дзе класіка сустракаецца з эстраднай музыкай.